Dende Madrid… para Celanova

Sempre dicía na miña casa que se houbese unha apocalipse marcharía a Galicia de cabeza. “Alí hai de todo”, dicía eu. Pero a realidade sempre supera á ficción. Este ano barallei varias escapadas a Celanova pero o tema do Coronavirus latexaba na miña mente. Son unha persoa catastrofista e tiña claro que non sería eu quen levara o bicho á miña Comarca ou provincia, sabendo ademais que Galicia é un territorio moi envellecido. Así que dende decembro non piso á miña terra nin vexo a miña xente.

Sigue leyendo

Presentación Amar en Libertad en Celanova

O 21 de decembro de 2019 presentouse o documental Amar en Libertad en Celanova, terra natal da directora Xudit Casas. O temporal deses días puxo moi difícil e complicada a proxección, mais o amor foi a resistencia. Presentado polo alcalde, Antonio Puga e a Concelleira de Igualdade, Teresa Barge, despoixa da proxección houbo un coloquio co público. Agradecer a todas as persoas que viñeron e as que nos acompañaron na distancia. O suplemento Vida de La Región de Ourense fíxose eco do evento e do homenaxe que lle fixeron á directora o rematar o coloquio.

AEL CELANOVA AMIC

Presentación do vídeo Nunca é tarde en Celanova

Presentación Nunca é tarde

O próximo venres, 15 de novembro, terá lugar o acto de presentación do vídeo Nunca é tarde, interpretado por Luisa Merelas e dirixido por Xudit Casas. O traballo procura mostrar a violencia de xénero nas mulleres maiores do mundo rural.

O acto terá lugar no Auditorio Ilduara de Celanova cun coloquio posterior que contará coa directora, Xudit Casas; a avogada Fátima Salgado; a Secretaria de Igualdade da Xunta de Galicia, Susana López Abella; o subdirector de Agader, Javier Blanco; e o subdelegado do Goberno, Emilio González.

O vídeo é unha iniciativa enmarcada dentro do Pacto de Estado contra a violencia de xénero. Iniciativa do GDR Limia-Arnoia e Convenio coa Secretaría de Igualdade da Xunta de Galicia, xestionada a través de Red Talento Consultoras.

Exposición | As mulleres de Celanova

Durante o mes de marzo poderase ver “As mulleres de Celanova”, unha exposición organizada por Elisa López, a responsable da Biblioteca Municipal de Celanova. A humilde iniciativa recolle a máis de trinta mulleres da zona como a primeira gaiteira galega, Áurea Rodríguez, a fotógrafa Cristina A. Pontanilla ou a cineasta Xudit Casas.

Sigue leyendo